أول مرة احس وانا داخل بيتي بخوف
فكري سرح ولقيتني بقول وايه الجديد .. ايه اللي خوفك
من امته الخوف جانا وعشان ايه بصة بكاء ومنين يمكن فراق
ابويا كويس ويمكن يكون تعبان امي بتضحك ويمكن تكون حزنناه
اخويا شغال و يمكن يكون رقدان و اخواتي في التمام
من امته كان تليفون و من امته كان هيمان
عاشق بسمة روح ... حالم بعش أمان ... بدور في الوشوش عن كلام ... مات الكلام ... قمر منور يسكر يروح ومينساش الامتلاك ... شمس تدفي ليل نهار ... سحر يسافر بتوهان
اصل الحكاية مش واحد دولا عشره عشرين مليون واحد بس كل واحد شيخ يعني له طريقة
لسنا مخطئون فليس فينا من ظلم لانه وقت ما ظلم لم يكن يدري انه ظلم
تعالوا معايا : هنا واحد فارق حبيبه اللي مش من نصيبه مات .. ممتش بس موت فيه قلب وحتة على حتة اتقلب لكتلة قسوة ودي آخرتها
سجن الحياة اهون عايش ومش عايش وكمان مش دي القضية لانها امته نلاقي اللي يتولد و يموت معايا مش كل يوم نقابل وشوف .. نعشق وشوش .. تروح الوشوش .. ندور تاني ع الوشوش
مفيش اخلاص ولا الدنيا تلاهي ولا كلام الليل مدهون بزبدة ماهو اصل الليل هو النهاية لكل قصة حب اتولدت ولا يمكن تكون قربت
طريق وماشينه وسط جبال وسط رمال وسط اغنام وسط اجمال وتشوف ظبيان و طير الصقر و الغربان ولحالك والله واحد وتروح وتيجي حي
مش تبقى قسوة لما اللي المفروض يكون ميكنش اسألوها عني وان قالت صدقوها يمكن نكون الاتنين عشقنا بعض
بحبك يا وحدة بحبك يا غربة بس بحبك يا بلادي يا ام البلاد يا بلادي بس ان مت حتلاقوا كفني في شنطة السيارة وان شاء الله طاهر الا من سيجارة والحمد لله مصلي و متكل على الله ان كان في الحرمين فادفنوني وان كان في غيرهم فرحلوا ادفن مع جدي ابو امي
واذكروني بخير اذا ذكرت وادعولي فقد اكون في حاجته فاسمي من الحمد ولقبي بشرف الزعامة حفر في التاريخ بهامة و عمري في ريعان الشباب ومسدد ديوني و وزعت ابتسامة لكل من عرفتهم و مصــــري وليا الشرف
أحمد خليل عرابي
