أصلي كنت فرحانة

فرحانة ... قصدي كنت فرحانة

أتولدت لقيتني وحيده حتى في وسط اخواتي و اهلي و ناسي كله في حاله اللي في شغله و اللي في همه و اللي في فرحه و اللي في زعله كله مع كله عايش ناس فايقة و رايقه و ناس طافحة و ساكتة  بس الحقيقة كلنا متغربين حتى و احنا في بلادنا رايحين جايين على لقمة العيش ساعيين ناسيين فين نكون وسط الهموم و وقت ما نقعد لحالنا نلاقي الدنيا بتدور و تفوقنا من الهموم

حاولت و حاولتم و محدش ينكر انه في كل يوم في وقت صمت بنلاقي نفسنا بندور ع الفرح

ححكيلكم حكايتي يمكن تلاقوا فيها اللي شفته صح و يمكن اكون غلط بس الاكيد انكم حتلاقوا شوية من الحقيقة

ع البحر واقفه مع نفسي ببصله و بحكيله سيبوني اتكلم اصله مبيظلمش و لا بيصد و بيسمع الكلام و يبلعه و كمان يهدى وقت الشوق و آه لو ثار و موج عالي شال همي و رماه ده لانه بحر بحب البحر بموت في الشط و بعش رمل البلاج اللي عليه حكاوي لناس كتير هنا جه مهاجريين بايعين و كمان هنا اتلاقى عشاق و جه الحزانى هنا يرموا الهموم و ينسوا العيشة و اللي فيها

هههههههه كآبة و انتوا مش ناقصين المهم

انا زي أي بنت و أي ولد و محدش يقولي انه فيه فرق في كلامي الحب شئ جميل حاجة احتياج كلنا عايزينه او ع الاقل نحس بيه اصله حياة الروح و نبض القلوب و عشق العقول و حلم السكرانين و طلب الضعفانين و مياة العطشانين و ببلاش كمان مبيدفعشي فيه فلوس لانه ما يساويهوش كنوز من سنين اول ما عيني فتحت لقيت كريم بيبصلي و يبصلي و في نظرة عيونه شوق معرفشي ليه اتشديت و اترميت فكرت و اتهديت و نسيت و لقيتني معاه هنا بتكلم وياه كلامه حلو و بصاته احلى اول مره حد يحسسني اني كبيره بيناقش و يسأل و انا اجاوب و مش غلط و صح و نجمتين و امتياز لأ

ده مش مدرس و لا ابويا و لا امي ده حد عايز يسمعني و عايز يعرفني مين انا و مين هو نهايته حسيتا ول مره يكون لي رأيي و حد يهتم بيا انا و اتقابلنا كتير و بدأت قصة حب مش عارفها سموها كده و بعد كده ابقوا قولوا عليا اللي تقولوه زاد كلامنا و اتعلقنا و اتشديته بكل كياني عطيته كل حبي و هيامي كنت بسهرله و كنت باخد مصروفه واروحله و كنت بنسى نفسي معاه باسني و حضني عشق روحيين كانوا في لحظة توهان يااااااااااه كنت بدوب كنت بصرخ و املي الدنيا صوت مش مش عاجبين حد انما مش هاميمنا حد كل اللي فاهماه اني بحبه و هو كمان قالي بحبك و كبرت شوية و فهمت الزواج و اتغير الحضن من دفا لغليان نار تحرق و صهد يولع و حيرة تغير و ناس واقفة و عادات و تقاليد و البنت مالها الا شرفها صدوني مفرطش فيه مع اني كنت مستعدة اديله عمري و اغلى من شرفي بس كنت فهمت انه الجواز ده الحياة و قلتله قالي :

لسه مش جاهز و لسه بدرس  و كمان لسه حسافر و اكون نفسي عايز اعملك بيت قصر يليق بيكي عايز اشرفك و اسعدك و نكون و نكون و اعمل و اسوي بحر اوهام رسمه لطريقنا و جه يوم سفره و كتبنا ورقتين الاولي ليه و التانيه ليا يكملوا بعض بالشهادة و ع البحر سكتنا و فرغت شفايفي جوه شفايفه و داب جسمي جوه حضنه و كان الفراق راح كريم و مرجعشي

مش عارفه عيبي و لا عيبه مش عارفه مين فينا الغلطان جسمي و قالي حلو و كلامي و قال كروان فكري و قال هيمان و قال و قال  مش عارفه ليه كانت النهاية حزينة اصلي اتحطمت و انصدمت ما انا خلصت دراسة و بقيت فاضية و كان هو مالي عليا دنيتي و دلوقتي مش لاقيه ونيس قلتلكم كلهم مشغولين بابا تعيشوا انتم و ماما بتجري وتكد و تتعب واخواتي كله في شغله عايز يبني القصر

و دارت الايام و كل يوم اروح فيه البحر الاقي عشاق و الاقي حيارى و الاقي اطفال و ناس ساكته و ناس بتظأطط و ناس بتنطط و ناس تايهه بتفكر و مين ملوش حكاية يحكيها للبحر مش حيسأل و لا حيعارض و كنت بدور ع الحب و نفس الحوار بدأ و انتهى مع رأفت و نفس النهاية بس ده سافر و رجع بمراته و مبقيتش ادور بقيت اتفرج بقيت اقول السعادة مش حب يملى القلب و لا فكر يسهر قلب

السعاده مش حاجة و لا كلام و لا طلب فعل و شريان ... السعاده روح رايحه ترفرف على قلب الواحد فينا ترميه هناك في الجنة ترسم خطوطها و تتمنى تنسى الهموم و تعلي الاحلام حتى لو اوهام بعد بعيد و هم بعيد المهم الوقتي يكون فرحان

حد يشوفلي قلب يعشق روح و عقل يفكر في كلام و راجل مش عايز بس جسمي حد يكون عايز مني اسعده و يكون ليا و اكون ليه مش قصة تكون حكاية من الف ليلة و ليلة و ربي مستعده اكون شهر زاد و يقتلني بس ع الاقل و انا معاه

لو عرفت سوقا للسعادة لرهنت نفسي و روحي فداها و لكن مات بائعوها في زمن المرجيحة 

Ahmed oraby

اقرء المزيد

الحب & الصداقة

الفرق بين الصداقة و الحب هو الفرق بين الشمس و القمر . الشمس هي الصداقة و الحب هو القمر

و الشمس طاقة تلد الحياة و تعيين على العمل بينما القمر يثير خيالك و ربما يثير روحك بشجن غامض و حزن غير مفهوم و قانون الصداقة معروف و ثابت ولكن قانون الحب متغير كوجه القمر الذي يزيد وينقص

و قانون الصداقة يؤكد ان الصديق لوقت الضيق أما قانون الحب فكأس من العسل الذي يغلف المرارة أو قطعة من الثلج داخلها النار و لكل لحظة من لحظات الحب قانونها الخاص الذي يفلت منك حين تحاول امساكه مثلما يفلت شعاع القمر من قبضة الاطفال و اذا كان الصديق لوقت الضيق فقل لي ماذا يفعل العاشق اذا كان الضيق صادرا من من محبوبه لاي سبب حتى لو ان اظفر اصبعه الصغير قد انكسر

و الصداقه شجرة تعيش مائة عام كأشجار التوت المعمرة أما الحب فزهرة من زهور " المانويلا جراند فلورا " وهي زهرة ثمينة لاتعيش سوى يومين اثنين ثم يزحف عليها في اليوم الثالث صدأ الموت الليموني وتسلم انفاسها المعطرة في عذوبة

و الصداقة اوسع من عباءة الحب فهي يمكن ان تجمع خمسه او ستة ولكن عباءة الحب تضيق بأكثر من اثنين وتعتبر الثالث من العوازل

و في كل صداقة قدر متيقن من الحب وليس في الحب صداقة الا نادرا و الويل للحب حين يتحول الي صداقة

كثيرا ما يظلم المحب اذا احب يقع ذلك حين يبدأ العقل الانساني في رسم صورة ليست هي صورة المحبوب كأن ينبغي ان تكونها المحبوبة ولم تستطع وليس هناك اقسى من هذا الظلم في الحب ان ترسم لمن تحب صورة وتطالبه بأن يكون مثلا في الرقي و السمو و ذكاء المشاعر

في الحب قدر من الغيرة يكفي لقلب موازيين النفس اذا ظهر في السماء قمر جديد ولكن في الصداقة قدر من التعاون الحسن

و في النهاية ادام الله الحب على كل المحبين و الف بين قلوب البشر اجمعين و وفقي واياكم لما فيه الخير و الصلاح .

Ahmed Oraby

اقرء المزيد

وحشني بجد

 مالي اكتب و الهموم تقتلني و العين تذرف بالدمع تؤلمني و قدماي لم تعد تحملني و أعصابي تبلدت و شراييني تجمدت و أحلامي توقفت و ذكرياتي تلاحقني و يبدو ان النسيان لايليق بأغلى الناس

  بأي سلاح نحارب .. بأي دواء نداوي .. بأي أسلوب نعامل .. بأي مبدأ نستكين .. بأي جلد نواجه .. بأي علم نناطح .. بأي كلام نهدأ .. بأي حكم نقضي          الموت – الفراق - الرحيل

  إنني مؤمن و الموت هو الحقيقة الوحيدة في الحياة و من أجل أن نحيا لابد و أن يموت غيرنا و يبدو أنه يختار و بدقة من يحل عليه الدور فهو قطار كلنا فيه و لكل منا محطة نازلها فالخلود لله و البقاء و الدوام لله وحده و لكنها حقيقة و ما علينا الا ان نصدق ان نرضع لامر الله و قضاءه و قدره فهو وحده العالم

   مازلت مصرا أننا أقوياء و لكل قوي منا نقطة ضعف ربما تكون الوحيدة و من المؤكد لدى ان صاحب القلب الشديد الصارم الجاحد نقطة ضعفه الوحيده هو ذاك الحنان الصادر من اعماق القلوب

   من منا ايها السادة لم يفقد عزيزا او غال .. كلنا حزانى .. كلنا حيارى .. كلنا مفارقون أغلق بابك عليك و ابكي ربما تهون عليك الجراح لن اعدك بنسيانه و لكنني اعدك بذكره في اقرب فرصة فمثله لن يعوض و سيأتي اليوم الذي ستكون أنت فيه ذكرى فابصم بصمة حق و ارفع راية نصر و دع منك ذكرى حيه تذكر صفات الشرفاء و حكمة العقلاء و صبر العظماء و خير من كل لون لوجه الله تهب و لقلوب الناس تداوي و لعقل الجمهور بالتصافي أنت وحدك القادر على فهمها فاغزل منها الكثير و دعها تبلل وجنتيك فكم قبلها و كم افتقدتها

    و في بكائك تذكر كل الخير و الشر و قارن القسوة بالحنان و اهدأ و اصمت و تعالى عن كل هذا و قف امام مرآتك أتذكر ذاك اليوم بتضحيته اجلس مكانك ارفع رأسك فكر بعقلك هل ستقف الحياة بعده ؟ هل سيفيد بكائي عليه ؟ هل ستنتهي آهااااتي ؟

   من فارقنا لا عودة له في دنيانا ربما يكون في جنة نتمناها و ربما يكون في نار نعوذ بالله منها فاذهب كما كنت و اعلم جيدا بأنني

   لن يوقفني أحد عن هدفي مهما كان فطموحي يصل النجوم و أملى لا يحويه زمان و لا يحيط به مكان و حلمي حتما سيكون ان شاء الله و غدا منير بإذن الله فإن مر يوم على الانسان و ليس به جديد للتفائل فليبحث في حصاة الرمال عن ثروة لا تقدر بمال

   للذكرى علمتوني او لم تعرفوني ارجوكم ادعولي براحة بال و زوج حلال و رزق مبارك و سعادة الدارين

Ahmed ORABY

اقرء المزيد

شوية حب تانين

 تلك الروح الحالمة بصفاء الجمال و براءة الاطفال و هدوء الزمان و خفة دم تنسى الانسان و تدفئ برد المكان فالوجوه و الاجساد زائلة و تلك الروح وحدها باقية 

  يبدأ هذا الحب باستحسان المحب لحبيبه , نعم فهو كل يوم يرى و يشاهد الكثيرين أما هذا حبيبه له طابع خاص فيقع في عينيه مختلفا عن أي وجه لا يرى به عيوبا أو أي شئ غير مرغوب فيه من جمالها الحسي الكامن في وجه متناسق الاعضاء يعلوه شعر مرسل سبحان المبدع هذا مع جسد فيه من الصفات ما يحيل الادب الى الشعر للوقوف عند باب الرومانسية فيبدع الشاعر و يهفو نحو كتابة موسوعة لا تكفى لذكر الاوصاف يتطلع الى بناء عقد ماسي مرصع بالاحجار الكريمة و الذهب الثمين كأنها حورية من حور العين بالجنة .

  بعد أن رأى هذا الوجه الجميل و الابتسامة الساطعة و العيون الناعسة و الجسد الناعم المدلل بالمشية الخفيفة و الحركة المترائية من انسانة ليست مثل كل النساء

  ينتقل هذا الاستحسان الى اعجاب ورغبة المحب في النظر و التقرب الى حبيبه بل و يريد مصافحته و الوقوف معه للحديث ليشبع رغبة النفس المصرة على هذا الانسان و يحاول أشد ما يملك من أسلحة ليتقرب بها الى قلب هذا المحب الذي تملك عقله

  و بعد جهد و عناء استطاع الوصول الى حديثها ينظر اليها بدقة يرى كل حركاتها و انفعالاتها في الكلام يزداد اصرار و عزيمة عليها لما تملكته من جرأة و بعد نظر و اتقان  ... نعم اتفاق معه كأنها هو في آرائه و أفكاره متطابقان متناسقان مكملان كإنسان واحد و منطق لا خلاف فيه الا ريثما .

إذا غاب الحبيب عن محبوبه يتوحشه بل و يتمنى أن ينهي كل العقبات التى أمامه و أعماله حتى لو كانت مهمة ليذهب للقاءه , لكنه قد أعطاها فرصة التفكير في هذا القرار المصيري المؤبد الذي لا رجعة فيه او استثناء او اجازة او اعارة او ..... إنه قرار حتمي لا مفر منه بالاتفاق و التراضي و الاقتناع التام و التسليم .

  هي بعد اللقاء الاول الذي جمعهما تكون قد استطاعت ان تكون شخصية هذا الرجل و لو سطحية لكنها كفيلة بأن تصدر قرارا لان المرأة في مجملها إذا وقفت أمام رجل فهي تستطيع أن تستخلص من كلماته الدقيقة و تعبيراته المترائية شخصية مكونة فيها تفكر عن شكله من حيث المظهر و فكره من حيث الرؤى و الافكار و الامنيات و الاهداف وأيضا الاحلام و ترى كم سيكون قدرها عنده إذا حقا اجتمعا و تقاربا و ارتبطا معا في وعاء الحب .

  و للحديث بقية في مقالات جدية ان شاء رب البرية

Ahmed Oraby

اقرء المزيد

شوية حـــب

  همسة بين شفتين ... لمسة بين يدين ... نظرة بين عينين ... نبضة بين قلبين ... احساس بين حبيبين ... لقاء بين شخصين ... كلمة من حرفين

                                                               إنه الحــب

  إلى أجمل ما رأت عيني و أعذب ما سمعت أذني و أروع ما تحدثت إليها نفسي .. صمام قلبي و منية نفسي و أنيسة وحدتي .. الى من لا تفارق خيالي .. الى من شغلت عقلي و احتلت مركز الصدارة في قلبي و نالت نصيب الاسد من احلامي .. الى من جعلتني ارى الحياة بلون أخضر فيه الأمل و التفائل و أضفت علي ضوء خافت كضوء القمر المفعم بالحنان و حرية الاصدار .. الى من كست الارض في وجهي بالورود و الينابيع و زادت من اصراري و عزيمتي و شدت من أزري لاعمل مجاهدا مناضلا من أجل البقاء في دنيا الناس و التواصل مع متطلبات الحياة و التواكب مع تقدم الامم .. الى ملكة زماني ست الحسن و الجمال صاحبة الجاه و الدلال .. الى شريكة حياتي مربية أولادي مستشاري في رحلة الحياة

  الى سهــا حبيبتي أكتب فأقول :

  الحب ليست كلمات تقال على الشفاه أو تكتب على الصدور او يرمز اليها بالقلوب و الاسهم المتقاطعة , ليست حروفا تكتب او تقال لانه أكبر من ذلك كله فهو احساس داخلي محله القلب مكمن الشعور و ملاذ الترابط و موطن الاستقرار , هو إئتلاف الروح فإذا امتزجت الارواح عبرت الجوارح فالعين تعشق النظر لمن تحب و الأذن تميز همس الحبيب منه ارهاف الحس و يزداد الشوق و تقف الاحاسيس عند ذات المحب فيكثر من ذكر حبيبه و يشتاق لرؤياه و مجالسته و إذا حدثه لم ينتهي الكلام لولا الوقت لما تفرقا و ذهب كل منهما الى عمله .

  معلشي كفايه كده دلوقتي و بكره نكمل معايا مشوار مهم اخلصه و اجيلكم

Ahmed Oraby

اقرء المزيد

نسميها شخبطة قلم

  

 حالة غموض ... وقت يعاتب ... عقل يشل ... قلب يعاند ... أيادي تمل ... ذكرى تأن ... صمت يحل ... عالم يضيق ... دموع تهوى السقوط ... فؤاد يسلم للاحزان ... عقل يداوي بلا دواء ... طقهان زهقان متضايق

                                                                      هو اللي كلكم بتحسوا بيه

  و ده اللي أنا حسه دلوقتي فيا للا أمري الى الله حكتب أصله واحد قاعد مع نفسه و مشغل ألف ليلة و ليلة للست و مولع شمعة و كوباية شاي و سيجارة و في غربة و فين في السعودية و في حائل و العقال مائل

  ايه يا عم زهقان من ايه من الوحدة .. من الغربة .. من حبيب باع .. من روح ماتت .. من صديق خان ... من دنيا معاندة ... من ناس فانية 

  يلعن كل دهـ الوحدة و اديني عارف اني لوحدي احسن من غيري قاعد وسط ناس كتير و لوحده برضه

  الغربة صدق اللي قال عنها تربة و كذاب من يقول بتحنن دي بتأسي بس فيها تتعلم بتشوف بعيونك الناس ناس تانية و ازاي تعيش باللي معاك بس و يكفي و بتعلم الصبر و التحمل و الجلد و لازم نتحملها اصلها سجن و دفعنا فلوس عشان ندخله

   حبيب باع   هههههههههه اضحكوا معايا على حالكم زعلان اصل الموووزه زعلانه سهران اصل حبيبي وحشني و كله وهم الحلو مبكملش و كمان كله بيضحك على كله و يا عم على ايه

اللي باعك بيعه او البسه مداس لحد ما يدوب في الارض و انسى احسن منك و راحوا و السكر و الضغط بيجي دلوقتي للصغيرين اللي زينا

  روح ماتت مشفتلهاش حل حتى النسيان نسانا الله يرحم الجميع

  صديق خان عادي و فيها ايه ما هي العشرة ما تهونشي على ولاد الحلال و اعرف صاحبك و علم عليه و الدنيا دواره و فيه الف احسن منه يتمنوا اشارة

   دنيا معانده هههههههههههههه لازم اضحك و اقول يا دنيا ملغبطينك و مشقلبين حالك عايشين و مش عايشين يوم و يوم و كل يوم غير أي يوم و احلام بالليل و دوشة نهار و عالم هناك و عالم هنا و ناس رايحة و جاية  مسيرها تروق و تحلى سيبها على الله ربك لما يريد يووووووووه دي ما ضاقت الا ما فرجت و شوية و النهار طالع

  ناس مالها ناس اهـ  فيه و فيه فيه الابيض و فيه الاسود و لكل قاعدة شواذ و تعرف فلان اه عاملته لا يبقى متعرفوش ب صانت عشان ترتاح و تروق راسك منهم اعمل اللي نفسك فيه انت حر مالم تضر طالما مقتنع بيها

و السلام عليكم و رحمة الله و بركاته

نتمنالكم سهرة سعيدة و ممتعة

Ahmed Oraby

اقرء المزيد