أنا عادة لا ارسم الوجوه التي أحبها أكتفي فقط برسم بعض ملامحها وكل ما يعلق بذاكرتي بعد فراقها
كثيرا ما نقف مع انفسنا نتذكر الماضي وحينما أقول هكذا إذن فالمسألة تراجيدية بحتة لدراما معروفة فيها من الحزن والبكاء علما بأننا أسياد النكت ومفاتيح الفرح
كل واحد فينا فاكر انه اكتر واحد في الدنيا شاف مصاعب وآلام وأحزان وقت مايقعد بينه وبين نفسه يفتكر الماضي من يوم ما كان صغير وهو بيضحك ويفرفش و يظأطط ويتنطط مع اخواته وولاد عمه وولاد خاله والدنيا كانت لسه بخير كله بيزور كله وكله ايده مع كله والناس كلها ولاد حلال وتمر أيام ووراها أيام وتتغير الاحوال من الي
وايييييييييييييييييه يا دنيا مالك فيه ايه هو انا عملت ايه غلط يستاهل ده كله ايه بس اللي مزعلك ايه بس اللي مغيرك
كل عقدة ولها حلال وبص حواليك حتلاقي ناس كتير أنت احسن منهم اجمد ربنا ومتيأسشي كمل مشوارك وعيش حياتك وسيبها على ربك اللي بيقول " فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا مالكم لاترجون لله وقارا "
كان يوم عيد واللي قدر عليه جاب لزوجته فول أخضر وقلها يلا جهزيهولنا وقعدوا مع بعض اتغدوا وبتقوله النهاردة عيد مش كنت جبتلنا لحمة قالها الحمد لله اللي قدرت عليه وبيبص في الشباك لقى واحد أفقر منه بياكل قشر الفول اللي بيرميه من الشباك
سبحان الله ربك جعل لكل أمر سببا وجعل لكل ضيق فرجا ولكل إنسان هفوة ولكل جواد كبوة
تفائل ابتسم دع عنك كل الاحزان والآلام و تذكر الابتسامة والفرج لأن الله موجود
Ahmed Oraby
1 التعليقات:
أنا عادة لا ارسم الوجوه التي أحبها أكتفي فقط برسم بعض ملامحها وكل ما يعلق بذاكرتي بعد فراقها
عجباني الجمله دي جدااااااااااا
وفعلا ما في حد عاجبه حاله
ربنا يصبرنا ويصلح حالنا
إرسال تعليق