كانت ذكريات جميلة

 

 

كانت لنا ذكريات جميلة خططناها جميعا بهدوء و عشناها كما يجب أن تكون
خلصت الحكاوي
أو حتخلص
دوس على كل حلم
انسى كل هم
ما تمشيش ورا قلبك .... الواقع بيتشاف بالعقل
يوم و بخلص يوم وبخلص يوم وبخلص ويوم بخلص ويوم مفيش
خلص اليوم
بحب و حبيبي باعني .. يعني ايه حبيب و باعك ليه ويعني ايه .. مين غلطان مين كتب بكره .. يعني ايه حب ومين الاولى بالحب ؟ ؟ ! !
صاحب وباع .. وخان قصدي - مع اني مبحبش الكلمة دي اصلا – يعني ايه باع وهو مين يسعر روح انسان او انسان يعني انت شايف انه غلطان و انت صح
يعني ايه صح و مين اللي اشترى ؟ ؟ ! !
جار و ما يعرفكش و يمكن أنت اللي ما تعرفوش .. غلطتك غلطته غلطة مين فيكم و الدنيا تلاهي .. انت زعلان دولا مش الجيران بس دولا الأهل كمان
بقينا بنتلم في الحزن أكتر و أسرع
مين اللي جاب الحزن ؟ ! مين يستاهل الحزن ؟ ! يعني ايه حزن ؟؟؟؟!!!!
راحة البال .. حلاوة روح .. ضحكة من القلب .. هداية طريق
ما تزعلشي على غربتك بره بلدك .. فيه ناس متغربة في بيوتها
ما تزعلشي على وحدتك .. فيه كتير يعرفوا كتير بس ولا واحد منهم جنبهم
اضحك .. اعمل اللي عليك
.
.
.
ادعيلي بالهداية وراحة البال
Ahmed Oraby

See Translation

تصنيف :