حبيبتي وحشتيني
والله العظيم
وحشتيني .. عارف انك زعلانه .. بس برضه ليا حق اعاتب ومش بعاتب .. عايز اقولك اد
ايه بحبك .. عارفه ليه : شلتي في قلبك .. سكتي بقهرك .. صبرتي تعبتي تألمتي ..
سهرتي عشاني .. نورتي ليلي ودفيتي نهاري .. كنتي معايا ع الحلوة والمرة .. حلمتي
بواد و بت .. انا مقصرتش ولا هنتي ولا اقدر ابيع
فاكرة بترمي في حضنك
وابكي .. محدش شاف بكايا غيرك انتي .. كنتي ام .. كنت اب .. كنا اتنين تايهين
دايبين عايشين
من امته كان الهجر
والفراق .. نسيتي داحنا اتعاهدنا واتفقنا واحنا كمان سيد من يصون العهد
صدقيني : كان نفسي
في قصر تكوني اميرته .. نفسي تفتحي وتغمضي عنيكي وتحلمي ومجاب احلامك شبيكي لبيكي
و يعني ايه اللي حصل
تعرفي المشكلة في
ايه : انه اتنين ما اتفاوضوش كل واحد فيهم خدها بوجهة نظره يوم المنتزه مكنتش اعرف
دي مجرد صدفة قلبتي الموضوع وبقت معاكسة واصله سعد زميلي في الشغل اتصل من عندي
فبرضه مش ذنبي انها تعرفني
فيها ايه لو عندنا
شوية ثقة .. لا مش شوية
لازم يكون فيها ثقة
وكامله اصلك بتشيلي اسمي وكمان انتي امي وبنتي وحريمنا تاج على رؤوسنا بس يكونوا
زيك حريم
البسي القميص الاحمر
وارقصي .. مكسوفة ليه وعشان ايه .. مغلطناش كل اللي فيها تستاهلي الدلع
قبل كده حسيتي انك
مش انتي .. اهو انا بقا حاسس ان انا مش انا .. حد تايه حد يمكن يكون ناقص .. يوم
ما اتجوزتك قلت خلاص رضينا واتراضينا ومحلمتش بكتير .. لقيتي بتزقيني في حلمي
بتدفعيني لفوق .. كبرتيني بنيتي معايا و في شدتي وقفي معايا
اصلك معايا .. حتى
في بعدك معايا
خلاص بقا .. كفاية
كآبة .. ملعون ابو الدنيا
ايه كفاية عليا
حبـــك إنــــت
يلا اضحك بقـا
وتعالى
بحبـك ومستنيكي
0 التعليقات:
إرسال تعليق