مصر كل مصر

اليوم اكتب عن مصر

رافعا رأسي مقدما اعذاري واعتذاراتي فحقا مهما كتبت عنكي بلادي فلن اوفيكي جزأ يذكر من حقوقك

اعلم جيدا بأنني لو وصفتك كما تستحقين فستصمت نساء العالم اجمع لوصف جميلة الجميلات ام الدنيا بوابة الشرق وقلب العالم واعظم الحضارات

اليوم مصر فكلنا مصر نسجل اليوم بأيدينا اول انتخابات رئاسية حرة لشعب حر صمد وسكت وصبر و عانى الامرين وعاش الظلم وتكبد المعاناة ومع ذلك رسم بسمة على الشفاه

أي شعب هذا واي دولة تلك الصامدة رغم ما كان فيها .. انها مصــر

قامت ثورة يناير ولاسباب عدة لاحصر لها فأهينت الكرامة واسألوا قانون الشعب والشرطة في خدمة الوطن و كيف تدخل السجن او المعقتل وليس لك ذنب سوى حب الوطن غير رأي مخالف لرأي النظام المنافي تماما لماهية الشعب الاذلي الصامد الصابر

وانتهكت الانسانية في اللوب البشرية من معاملات اجرامية ومزادات بيع علنية ودولة في مهب الريح تتلاطم اوراقها فتتساقط بساتين وورود بكل أمل بكل اصرار وعزيمة على اننا هنا موجودون

لم تكن لكل تلك المفاهيم المحطمة لنا الا سندا فاعانتنا على فهم الحدث و الحادث على تحليل المنظومات بين الكلام والافعال فما كان منا الا ردود افعال لا استسلام ولا تراجع

علمتونا كيف نسكت ونسيتم ان للصبر حدود

سكتونا بلقمة العيش وكله يدور عشان يعيش

قلتنا امشوا جنب الحيط بس البيوت بتقع

من خاف سلم وبرضه معرفتوش انه ندم

مش غريبة لما نلاقي نيل في بلدنا و بنستورد قمح يا للحماقة حللنا قضية الغذاء في العالم كله 7 سنوات واليوم لا نجد ما يطعمنا كيف ذلك ما انتوا قلتولنا انه الارض ملهاش اهلاك كل ما تقدم يزيد سعرها يعني يغلى تمنها يعني تنتج اكتر واحنا من طين البلد دي

علمتونا في المدارس انه القطن المصري طويل التيلة رقم 1 في العالم فينه ماعدناش لاقينه

قلتولنا عندنا بترول يكفينا بلاش نصدر ملقناش جاز نمشي بيه حياتنا

فيه غاز وكتير كمان اصله ماشي من عندنا لحد تركيا طيب وازاي مش في بيوتنا نستوها ولا ما اخدتوش بالكم انها في طريقكم وهو ايه مش برضه اللي يحتاجه البيت يحرم ع الجامع

حضارة و 7000 سنة و آثار وشواطئ و جمال وروعة وجنة ربنا على ارضه

ايه اللي ناقصك يا بلدي

عمالة وناس تفكر .. غيري نظارتك بصي كويس

شفتينا اخدتي بالك حاجة تفرح لما نلاقي العالم كله بيكرم علمائنا و بيشيد بعمالنا ويزيد و يشيد و يغير و يغيير وهي دي بلدي

هناك .. لا هنا

ما هو اصله برضه مهما تقولولنا و توهوتنا وتظلمونا وتسكتونا وتألمونا وتتعبونا وتعلمونا آهـ ياليل و آهـ يا عين وتنيمونا خايفين بكره تايهين ويحلها الحلال .. حتعمل ايه .. حسافر .. سافر ومترجعشي ما انت ماشفتش وانت خارج بيقلولك ايه .. اهانات ومهزلة واسألوا نويبع

بحبك مهما قالوا ومهما عملوا بحبك .. وعشان بحبك

معلشي حقك عليا .. غلطانلك .. الدنيا خادتني مع انك اهم .. اصلك مين .. مصر

ارفع راسك لفوق قوي ..انت عارف انت مين .. انا انبارح والنهارده وبكره وكل يوم .. انا حضارة

آهـ حضارة ومش حزهق منها ومش حقول الرجالة ماتت في 73 وكمان مش حسكت تاني .. حقي ولازم يجي ما كلنا صعايده و رأيي بس اللي حيمشي مش حخاف .. يووووووه مش قلنا وقلتولنا ترابها مروي بدم شهدا .. بنحبها ونموت عشانها

صوتي امانة وانا سيد من يصون الامانة اصلي راجل ابن راجل مصري ابن مصري وابن مصر الله عليه

حلوه بلادي حلوه ناسها .. و المشكلة فيها .. تفرقها عن كل بلاد الدنيا بروحها واهلها الطيبين

اسألوا الدويقة وروحوا الوايلي واطلعوا المقطم وانزلوا السيدة وشوفوا سوق ليبيا وصخرة ليلى مراد سافروا اسكندرية واقعدوا يومين واي يومين صلوا في السيد البدوي كل بلاد مصر

اقعد على قهوة في مصر امشي في شارع في مصر اسأل مصري واسأل عربي واسأل اجنبي عن مصر واهل مصر

خلص الكلام الناس زهقت من الكلام خلاص من اليوم كلنا مصر ومن اجل مصر كل مصر فداء مصر

مبروك ايا كنت بس ياريت ميكنشي فلول , نرفع التحية ونقدم الولاء لمن يخلص في عمله ولتعلم جيدا باننا لانعطي الرواتب الا لمن يستحق ولن نتنازل عما رضيناه فقد تعب اجدادنا وابائنا من اجلنا فواجب علينا ان نحسن الاداء ونسلم الراية ونعلى الوطن لابنائنا

والله ان عيني لتدمع وقلبي يأن وعقلي يحن يا مصـــر

بحبـــــــــــك يا مصــر

تصنيف : مصـــــــر