لما الناس تلاقيها بايعة
وقلوب حزينة وضايعة
وتلاقى الكل حواليك
و لا حد فيهم يسأل فيك
و الحزن مالى نفسك
و لا فيها حد حسك
تحس الدنيا غابة
مليانه وحوش ديابة
فين الصداقة !!؟؟
فين القرابة !!!؟؟
ساعتها تزيد مشاكلك
و يقتلك خوفك و همك
لما تكون بين الناس حزين
والكل جنبك فرحانين
و لا بيك حاسين و لا
مهتمين
وتحس انك بينهم وحيد
و ان الامل ف الفرح بعيد
و حواليك ناس كتيره
وفرحتهم بك كبيرة
بس يا مسكين
من جواك حزين
هتودى الحزن فين
او تشكى لمين
لما تلاقي نفسك حزينه
مطعونة بميت سكينه
و تحس الناس مش امينة
و تلاقى الكل معاك
بس مش هنا
لأ ... هناك
يعنى مش معاك !!
لو قلت الف آآآآآآآه
لو ملت شكوتك الحياة
وقلب كان معاه
الف قلب تانى
مش مخلص لأ آنانى
و انت مليان آمانى
تحققها مع اللى قلبك
هواه
لكن فى الدنيا و الحياة
الف سبب بيقولك لاااااااااا
ساعتها لازم تفتكر ربك
يخفف عنك همك
قول ياااارب
هتلاقى الف سبب يخليك
سعيد
و تتولد ساعتها من جديد
وتنسى الدنيا وناسها
وقلوب كانت قاسيه
مهما عملت معاهم
لازم يمشوا على هواهم
وانت يا مسكين
لا رحت ولا جيت
قاعد مستني فى مكانك
لما الحظ يطرق بابك
لكن هييجى منين ؟
ساعتها قول يارب
تتفتحلك ساعتها
ابواب السعاده
والخير كله يبقى بزياده
بس انت افتكر ربك
وهتنسى كل انسان ظلمك
وتملأ قلبك بالحب والتسامح
وكمل حياتك
ولغاية مماتك
دايماً قول يااارب
قول يـــا رب
1 التعليقات:
لينا مين غير يا رب
كلمه بجد تزرع أمل في إنسان مات
مات من الوجع و الحزن بس بالكلمه دي
يفتكر إن ربه أكبر من كل الصعاب
من كل إلي كان و هيكون
من نفسي و رغبباتها
و ضعفها و قوتها
يا رب بحبك هقدر أقاوم كل شئ
و اصبر ما أكيد
إن مع العسر يسر
و أكيد أنته عالم الخير فين
و الرزق جاي منين
و السعاده من فين طريقها
يمكن نفتكر السعاده هيه الي راحت
نلاقيها لسا جايه و بشكل لا نتخيله
هوه اه كلنا بنقول اه و اه و اه
وتعبنين و يمكن تعبنا ده هوه الراحه
وهوه السعاده و هوه النعمه إلي تنتمنى تدوم
هنقول اه و مليون اه
لما تحب و تبقه عارفأنه حبيب مش ليك لغيرك يتمتع بيه
لما تبقه هتموت على لحظة أمانبين أحضانه و مش تعرف تعمل كدا
بس أكيد أحلى شئ أ،ه فيرضاربنا يبقه فرحه مابعدها فرحه
مش ربناراضي و صبرين و متحملين و رضين بقضائه
لما الرزق يتقطع من مكان و نزعل و نقول يا رب
أنارسمت طريق بس أنته أعلم بالطريق الي فيه الخير
رزقي من هناانقطع اتولد في مكان ثاني
ما أصل ما في حد مات من الجوع
و رزق الي ربنا يجيبه من مكان ما قدر
الذ بالرضا و الثقه أنه هيكون أكثر من إلي أتخيله
أهل بيغضبوا و يمكن يجرحوا و يمكن يؤلمونا
و احنا نصبر علشان رضى الخالق
و اصحاب يغدرو و يغلطوا و ينافقوا
و بردوا نصبر لجل رضا ربنا
يبقه ما جزاء الإحسان إلا الإحسان
صبرا ألا ياسر إن موعدكم الجنه
إرسال تعليق